ປະກອບມີກົງຈັກຊ່ວຍວຽກດັ່ງນີ້:
-
ພະແນກຄົ້ນຄ້ວາວິທະຍາສາດການປົກຄອງ;
-
ພະແນກພັດທະນາຫລັກສູດ;
-
ພະແນກຝຶກອົບຮົມ;
-
ພະແນກບໍລິຫານ;
-
ພະແນກຂໍ້ມູນຂ່າວສານ ແລະ ຫໍສະໝຸດ.
![](https://www.parti.gov.la/wp-content/uploads/2019/08/organization.png)
ພະແນກຄົ້ນຄວ້າວິທະຍາສາດການປົກຄອງ
ພະແນກພັດທະນາຫລັກສູດ
ພະແນກຝຶກອົບຮົມ
ພະແນກບໍລິຫານ
ພະແນກຂໍ້ມູນຂ່າວສານ ແລະ ຫໍສະມຸດ
ພະແນກຄົ້ນຄວ້າວິທະຍາສາດການປົກຄອງ
ພະແນກຄົ້ນຄວ້າວິທະຍາສາດການປົກຄອງມີໜ້າທີ່ ດັ່ງນີ້:
- ສ້າງແຜນງານ, ແຜນການ ແລະ ໂຄງການຄົ້ນຄວ້າວິທະຍາສາດການປົກຄອງ, ການບໍລິຫານຄຸ້ມຄອງລັດ ແລະ ການຄຸ້ມຄອງພະນັກງານ-ລັດຖະກອນໃນແຕ່ລະໄລຍະ ເພື່ອໃຫ້ຫົວໜ້າສະຖາບັນສະເໜີລັດຖະມົນຕີກະຊວງພິຈາລະນາຮັບຮອງ;
- ຈັດລຽງບູລິມະສິດຫົວຂໍ້ບົດຄົ້ນຄວ້າວິທະຍາສາດ ເພື່ອສະເໜີຄະນະສະຖາບັນພິຈາລະນາ;
- ຄົ້ນຄວ້າ ແລະ ນໍາສະເໜີຄະນະສະຖາບັນພິຈາລະນາປະກາດໃຊ້ກ່ຽວກັບຂະບວນການ, ວິທີການ ແລະ ຂັ້ນຕອນໃນການດໍາເນີນການຄົ້ນຄວ້າວິທະຍາສາດການປົກຄອງ ໃນແຕ່ລະໄລຍະ, ພ້ອມທັງຈັດຕັ້ງປະຕິບັດໃຫ້ປະກົດເປັນຈິງ ເມື່ອໄດ້ຮັບອະນຸມັດແລ້ວ;
- ດຳເນີນການສຶກສາ, ຄົ້ນຄວ້າ, ວິເຄາະ, ວິໄຈລະບົບການການປົກຄອງ, ການບໍລິຫານລັດ ແລະ ການຄຸ້ມຄອງພະນັກງານ-ລັດຖະກອນ ຢ່າງເປັນລະບົບ, ປະຫວັດສາດຜ່ານມາ, ປະຈຸບັນ ແລະ ແຜນການໃນຕໍ່ໜ້າ;
- ເກັບກຳ ແລະ ສັງລວມຂໍ້ມູນກ່ຽວກັບລະບົບການການປົກຄອງ, ການບໍລິຫານລັດ ແລະ ການຄຸ້ມຄອງພະນັກງານ-ລັດຖະກອນແລະວຽກງານກ່ຽວຂ້ອງເພື່ອນຳໃຊ້ເຂົ້າໃນການຄົ້ນຄວ້າ ແຕ່ລະໄລຍະ;
- ນໍາສະເໜີ ແລະ ເຜີຍແຜ່ຜົນສຳເລັດໂຄງການຄົ້ນຄວ້າວິທະຍາສາດການປົກຄອງ ແລະ ການຄຸ້ມຄອງພະນັກງານ-ລັດຖະກອນໃຫ້ພາກສ່ວນກ່ຽວຂ້ອງ;
- ຈັດກອງປະຊຸມ-ສໍາມະນາດ້ານວິຊາການກ່ຽວກັບວຽກງານຄົ້ນຄວ້າວິທະຍາສາດການປົກຄອງຕາມການອະນຸມັດ;
- ແລກປ່ຽນບົດຮຽນດ້ານວິຊາການກັບສະຖາບັນຄົ້ນຄວ້າ ທັງພາຍໃນ ແລະ ຕ່າງປະເທດ ກ່ຽວກັບກັບວຽກງານຄົ້ນຄວ້າວິທະຍາສາດການປົກຄອງ, ການບໍລິຫານຄຸ້ມຄອງລັດ ແລະ ວຽກງານຄຸ້ມຄອງພະນັກງານ-ລັດຖະກອນຕາມແຜນການ ແລະ ໂຄງການຂອງສະຖາບັນທີ່ໄດ້ຮັບອະນຸມັດ;
- ລາຍງານການເຄື່ອນໄຫວວຽກງານຕ່າງໆຂອງພະແນກໃຫ້ຄະນະນໍາສະຖາບັນຊາບເປັນປົກກະຕິ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະນຳສະຖາບັນ.
ພະແນກພັດທະນາຫລັກສູດ
ພະແນກພັດທະນາຫລັກສູດມີໜ້າທີ່ດັ່ງນີ້:
- ສ້າງແຜນການ, ແຜນງານ ແລະ ໂຄງການສ້າງ ແລະພັດທະນາຫລັກສູດຝຶກອົບຮົມວຽກງານບໍລິຫານຄຸ້ມຄອງລັດ ແລະ ວຽກງານອື່ນໆທີ່ກ່ຽວຂ້ອງໃນແຕ່ລະໄລຍະ;
- ສຶກສາ, ຄົ້ນຄວ້າ, ວິເຄາະ, ວິໄຈຄວາມຕ້ອງການການຝຶກອົບຮົມເພື່ອຮັບໃຊ້ເຂົ້າໃນການສ້າງ ແລະ ພັດທະນາຫລັກສູດຝຶກອົບຮົມໃຫ້ພະນັກງານ-ລັດຖະກອນແຕ່ລະລະດັບ;
- ສ້າງ ແລະ ພັດທະນາຫລັກສູດຝຶກອົບຮົມກ່ຽວກັບວຽກງານບໍລິຫານລັດ ແລະ ວຽກງານອື່ນໆ ທີ່ກ່ຽວຂ້ອງໃຫ້ສອດຄ່ອງກັບສະພາບການພັດທະນາຕົວຈິງແຕ່ລະໄລຍະ;
- ສຶກສາ, ຄົ້ນຄວ້າ, ກໍານົດຮູບແບບ, ກິດຈະກໍາ ແລະ ວິທີການຝຶກອົບຮົມ ເພື່ອປະກອບເຂົ້າໃນເນື້ອໃນ ຫລັກສູດໃຫ້ມີຄວາມສອດຄ່ອງ ແລະ ເໝາະສົມກັບເປົ້າໝາຍເຂົ້າຝຶກອົບຮົມ ແຕ່ລະລະດັບ;
- ດໍາເນີນການທົດລອງຈັດຝຶກອົບຮົມຫລັກສູດທີ່ສໍາເລັດໃນການສ້າງໃຫ້ເປົ້າໝາຍກ່ຽວຂ້ອງກ່ອນຂັ້ນຕອນນຳສະເໜີຂັ້ນເທິງພິຈາລະນາຮັບຮອງ;
- ຄຸ້ມຄອງ, ປັບປຸງ, ຮຽບຮຽງ ແລະ ປະເມີນເນື້ອໃນຫຼັກສູດຝຶກອົບຮົມໃນແຕ່ລະຄັ້ງ;
- ເຂົ້າຮ່ວມການສຳຫຼວດຄວາມຕ້ອງການ, ການກຳນົດຫົວຂໍ້ຫຼັກສູດ ແລະ ຂະບວນການປະມີນຜົນພາຍຫຼັງຝຶກອົບຮົມ 06 ເດືອນຫາ 01 ປີ;
- ຈັດກອງປະຊຸມ-ສໍາມະນາດ້ານວິຊາການກ່ຽວກັບວຽກງານສ້າງ ແລະ ພັດທະນາຫລັກສູດຕາມການອະນຸມັດ;
- ແລກປ່ຽນບົດຮຽນດ້ານວິຊາການກັບສະບັນຝຶກອົບຮົມ ທັງພາຍໃນ ແລະ ຕ່າງປະເທດ ກ່ຽວກັບວຽກງານສ້າງ ແລະ ພັດທະນາຫລັກສູດຝຶກອົບຮົມຕາມແຜນການ ແລະ ໂຄງການຂອງສະຖາບັນທີ່ໄດ້ຮັບອະນຸມັດ;
- ລາຍງານການເຄື່ອນໄຫວວຽກງານຕ່າງໆຂອງພະແນກໃຫ້ຄະນະນໍາສະຖາບັນຊາບເປັນປົກກະຕິ;
- ແນະນຳ, ຕິດຕາມ ແລະ ກວດກາ ພະແນກຝຶກອົບຮົມ ໃນການຈັດຕັ້ງປະຕິບັດຫຼັກສູດການຝຶກອົບຮົມ;
- ຄົ້ນຄວ້າ, ດັດປັບ ຫຼັກສູດຝຶກອົບຮົມໃຫ້ສອດຄ່ອງກັບສະພາບ ແລະ ເງື່ອນໄຂຕົວຈິງຂອງແຕ່ລະທ້ອງຖິ່ນ;
- ສະເໜີຄະນະສະຖາບັນ ເພື່ອສັ່ງໂຈະການຝຶກອົບຮົມ ເມື່ອເຫັນໄດ້ວ່າມີການລະເມີດຫຼັກສູດ ຫຼື ກະທຳຜິດຕໍ່ລະບຽບຂອງການຝຶກອົບຮົມ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະນຳສະຖາບັນ.
ພະແນກຝຶກອົບຮົມ
ພະແນກຝຶກອົບຮົມ, ມີໜ້າທີ່ ດັ່ງນີ້:
- ສ້າງແຜນການ, ແຜນງານ ແລະ ໂຄງການຝຶກອົບຮົມກ່ຽວກັບວຽກງານບໍລິຫານຄຸ້ມຄອງລັດ ແລະ ຫົວຂໍ້ຕ່າງໆໃຫ້ແກ່ພະນັກງານ-ລັດຖະກອນ, ຜູ້ບໍລິຫານລະດັບກາງ ແລະ ລະດັບສູງແຕ່ລະໄລຍະ;
- ສຶກສາ, ຄົ້ນຄວ້າ ແລະ ກໍານົດລະບຽບ, ຮູບແບບ ແລະ ວິທີການຝຶກອົບຮົມໃຫ້ມີຄວາມເໜາະສົມແລະ ສອດຄ່ອງກັບເປົ້າໝາຍຂົ້າຮ່ວມຝຶກອົບຮົມທຸກລະດັບ;
- ຝຶກອົບຮົມລັດຖະກອນທີ່ມີຕໍາແໜ່ງບໍລິຫານ ແລະ ລັດຖະກອນທີ່ຮັບຕໍາແໜ່ງໃໝ່ ລະດັບສູງ ແລະ ກາງ ຂັ້ນສູນກາງ ແລະ ທ້ອງຖິ່ນ;
- ສ້າງ ແລະ ພັດທະນາຄູຝຶກ ແລະ ຜູ້ຊ່ວຍຄູຝຶກ ທັງຂັ້ນສູນກາງ ແລະ ທ້ອງຖິ່ນຕາມຄວາມຮຽກຮ້ອງຕ້ອງການຕອບສະໜອງໄດ້ຕາມຫລັກສູດຕ່າງໆຂອງສະຖາບັນໃນແຕ່ລະໄລຍະ;
- ຄົ້ນຄ້ວາ, ສ້າງ ແລະ ພັດທະນາຖານຂໍ້ມູນຄຸ້ມຄອງຂໍ້ມູນ-ສະຖິຕິກ່ຽວກັບລະບົບການຝຶກອົບຮົມຂອງສະຖາບັນໃຫ້ເປັນລະບົບ-ຄົບຊຸດ;
- ສັງລວມ, ຄຸ້ມຄອງ, ສະໜອງ ແລະ ໃຫ້ຄຳແນະນຳກ່ຽວກັບລະບົບການຝຶກອົບຮົມຂອງສະຖາບັນໃຫ້ແກ່ບັນດາກະຊວງ-ອົງການທຽນເທົ່າຂັ້ນສູນກາງ-ທ້ອງຖິ່ນ;
- ຈັດກອງປະຊຸມ-ສໍາມະນາດ້ານວິຊາການວຽກງານຝຶກອົບຮົມກ່ຽວກັບວຽກງານບໍລິຫານຄຸ້ມຄອງລັດ ຕາມການອະນຸມັດ;
- ແລກປ່ຽນບົດຮຽນດ້ານວິຊາການກັບສະຖາບັນຝຶກອົບຮົມ ທັງພາຍໃນ ແລະ ຕ່າງປະເທດ ກ່ຽວກັບວຽກງານຝຶກອົບຮົມພະນັກງານ-ລັດຖະກອນຕາມແຜນການ ແລະ ໂຄງການຂອງສະຖາບັນທີ່ໄດ້ຮັບອະນຸມັດ;
- ລາຍງານການເຄື່ອນໄຫວວຽກງານຕ່າງໆຂອງພະແນກໃຫ້ຄະນະນໍາສະຖາບັນຊາບເປັນປົກກະຕິ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະນຳສະຖາບັນ.
ພະແນກບໍລິຫານ
ພະແນກບໍລິຫານມີໜ້າທີ່ ດ່ັ່ງນີ້:
- ສ້າງແຜນການ, ແຜນງານ, ໂຄງການ ແລະ ຍຸດທະສາດຂອງສະຖາບັນ ຫຼື ວຽກງານຄົ້ນຄວ້າການປົກຄອງ ແລະ ຝຶກອົບຮົມ ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານຂອງສະຖາບັນແຕ່ລະໄລຍະ;
- ນໍາສະເໜີຄະນະສະຖາບັນກ່ຽວກັບການສຶກສາ, ຄົ້ນຄວ້າການປັບປຸງກົງຈັກການຈັດຕັ້ງ, ແຜນຄວາມຕ້ອງການພະນັກງານ, ການກໍານົດຕໍາແໜ່ງງານແຕ່ລະໄລຍະ,
- ເປັນໃຈກາງການປະສານງານ ແລະ ຈັດຕັ້ງປະຕິບັດວຽກງານບໍລິຫານ-ພິທີການ, ການເງິນ, ຄຸ້ມຄອງຊັບສິນ, ຄຸ້ມຄອງເອກະສານເຂົ້າ-ອອກ ແລະ ຕາປະທັບຂອງສະຖາບັນ;
- ຊຸກຍູ້, ຕິດຕາມ,ກວດກາການປະຕິບັດແຜນການ-ໂຄງການຂອງບັນດາພະແນກພາຍໃນສະຖາບັນ ແຕ່ລະໄລຍະ;
- ຄົ້ນຄວ້າ ແລະ ສະເໜີຄະນະສະຖາບັນການເລື່ອນຊັ້ນ-ຂັ້ນ ແລະ ປະຕິບັດວິໄນຕໍ່ພະນັກງານ-ລັດຖະກອນຂອງສະຖາບັນຕາມກົດໝາຍ ແລະ ກົດລະບຽບທີ່ກໍານົດ;
- ເປັນເສນາທິການ ແລະ ອຳນວຍຄວາມສະດວກໃນການເຄື່ອນໄຫວວຽກງານທາງລັດຖະການທັງພາຍໃນ ແລະ ຕ່າງປະເທດໃຫ້ແກ່ພະນັກງານ-ລັດຖະກອນພາຍໃນສະຖາບັນ;
- ເປັນໃຈກາງໃນການພົວພັນ ແລະ ປະສານງານກັບຕ່າງປະເທດ, ອົງການຈັດຕັ້ງສາກົນກ່ຽວກັບວຽກງານຂອງສະຖາບັນ;
- ຮັບປະກັນເງື່ອນໄຂຕ່າງໆ ທີ່ຈຳເປັນສຳລັບການເຮັດວຽກຂອງຄະນະສະຖາບັນ, ບັນດາພະແນກ ແລະ ພະນັກງານວິຊາການຂອງສະຖາບັນ ບົນພື້ນຖານປະຍັດ ແລະ ຕ້ານການຟູມເຟືອຍ;
- ຮັບປະກັນຄວາມສະຫງົບ ແລະ ປອດໄພພາຍໃນສະຖາບັນ;
- ລາຍງານການເຄື່ອນໄຫວວຽກງານຕ່າງໆຂອງພະແນກໃຫ້ຄະນະນໍາສະຖາບັນຊາບເປັນປົກກະຕິ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະນຳ
ພະແນກຂໍ້ມູນຂ່າວສານ ແລະ ຫໍສະມຸດ
ພະແນກຂໍ້ມູນຂ່າວສານ ແລະ ຫໍສະມຸດມີໜ້າທີ່ ດັ່ງນີ້:
- ສ້າງແຜນການແລະ ໂຄງການກ່ຽວກັບວຽກງານການສ້າງຖານຂໍ້ມູນ ແລະ ລະບົບຫໍ ສະໝຸດໃຫ້ເປັນລະບົບ ແລະ ທັນສະໄໝ ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານລວມຂອງສະຖາບັນ ແຕ່ລະໄລຍະ;
- ຄົ້ນຄວ້າ ແລະ ສ້າງຖານຂໍ້ມູນກ່ຽວກັບວຽກງານຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ, ເກັບກຳ, ສັງລວມ,ສະຖິຕິບັນດາປື້ມຄູ່ມື ແລະ ຕຳລາຕ່າງໆຂອງສະຖາບັນໃຫ້ເປັນລະບົບ;
- ຄຸ້ມຄອງຂໍ້ມູນ-ຂ່າວສານກ່ຽວກັບວຽກງານຄົ້ນຄວ້າ ແລະ ຝຶກອົບຮົມ, ພັດທະນາໂປແກຼມ, ເວັບໄຊ໌, ວີດີໂອ, ສ້າງວາລະສານ, ແຜນພັບ ແລະ ຮູບເຫລັ້ມ ເພື່ອຕອບສະໜອງໃຫ້ແກ່ສະຖາບັນການສຶກສາ, ສະຖາບັນການພັດທະນາ, ການຈັດຕັ້ງພາກລັດ, ນັກຄົ້ນຄວ້າ ແລະ ສັງຄົມທັງພາຍໃນ ແລະ ຕ່າງປະເທດ;
- ແລກປ່ຽນບົດຮຽນດ້ານວິຊາການກັບສະຖາບັນຕ່າງໆ ທັງພາຍໃນ ແລະ ຕ່າງປະເທດ ກ່ຽວກັບກັບວຽກງານຂໍ້ມູນຂ່າວສານ ແລະ ຫໍສະໝຸດຕາມແຜນການ ແລະ ໂຄງການຂອງສະຖາບັນທີ່ໄດ້ຮັບອະນຸມັດ;
- ລາຍງານການເຄື່ອນໄຫວວຽກງານຕ່າງໆຂອງພະແນກໃຫ້ຄະນະນໍາສະຖາບັນຊາບເປັນປົກກະຕິ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະນຳສະຖາບັນ.